11.       حیت لری درینده*گل اوتوراخ سرینده* بیر دسته گول اولایدیم* سئوگیلیمین الینده.

12.       داغلار باشیندا لاله*الیمده وار پیاله*سن منیم سن، من سنین*دوشمه ئوزگه خیاله

13.       داغلاری آشدیم گلدیم*سو کیمی داشدیم گلدیم*یاری بیوفا گوُردوم الیندن قاشدیم گلدیم.

14.       داغلاری گزدیم گلدیم*داشلاری دوزدوم گلدیم*یاری بیوفا گوُردوم*الیمی اوزدوم گلدیم.

15.       درد الیندن بئزارام*سنه نامه یازارام*گوُزله یه رم گلمه سن*ایلقاریمی پوزارام.

16.        درد الیندن سولموشام*ساچ-بیره یی یولموشام*بیوفا یار یولوندا*شیرین جاندان دویموشام.

17.       الده قلم نه یازار* سیزیلدایار نه یازار* آتا بابا سوزی دی* دوز گئتمه ین تئز ازار.

18.       سوُز وئرمه رم یادا من*ایچمه میشم بادا من* بیوفا یار الیندن* کیمه گئدیم دادا من.

19.       عاشیق آرانی داغلار*پیکان یارانی داغلار*گوُیول ایسته ر ال چاتماز* کسیب آرانی داغلار.

20.       عزیزیم دوشمه ز اله*سار اوچار دوشمه زاله*منیم ایسته دییم یار*یوز ایل گز ،دوشمه زاله.

21.       عزیزیم کاساد اولماز*مرد الی کاساد اولماز*یوز مردین چوُره یین* دوغراسان کاسا،دولماز.

22.       عزیزیم گول آلاندا*ساچا سنبل تاخاندا* یاریم دایما دوشر*الیمه گول آلاندا.

23.       غریبم وطنیم یوخ* بویولدان ئوته نیم یوخ*دوشدوم درین دریایا* الیمدن توتانیم یوخ.

24.       فلکیدن داد الیندن* اولمادیم شاد الیندن* یامانم یئرده ییخیلدیم* توتمادی یار الیمدن.

25.       فلکین داد الیندن* اومادیم شاد الیندن*یامان یئرده ییخیلدیم* توتمادی یاد الیمدن.

26.        قاینار قازانیم منیم*چالار اوزانیم منیم*دوشسون الدن قلمین*یازی یازانیم منیم.

27.       گلدی بیر آی دا گئتدی*جانیم آخ وای دا گئتدی*کماندان اوخ قورتولدی* الیمدن یای دا گئتدی.

28.       گون چکیلب باتاندا* گوندوزه شر قاتاندا* اووچی الین قوروسون* مارالا اوخ آتاندا.

29.       گون گئچه ر گئدر بئله*گئچه ن گون گلمه ز اله*بو آرخا بیر سو گلیب* امید وار بیرده گله.

30.       گئدرم اوتورمارام* طعنه سوز گوُتورمه رم*یوز ایل غربتده قالسام*سندن ال گوُتورمه رم.

31.       گئدیرم بو باغدادا من*یار الیندن دادا من*نامرد فلک قویمادی*شاد اولم دنیادا من.

32.       مارال دوردوغی یئرده*بوینون بوردوغی یئرده* الی سینسین اووچونون* سنی ووردوغی یئرده.

33.       من داغلاردا چیچه یم*ال وورما کوینکچه یم*هامیا چیرکین اولسام*ئوز یاریما گویچه یم.

34.       من عاشق لوله لوله*یار گلیر گوله-گوله*الینده گولی دسمال*ترینی سیله- سیله.

35.       من عاشق یارا نیلیم* دوشو بدی سنه میلیم*گوُ یول ایسته ر ال چاتماز، اوزاقدان آرا نئلیم.

36.        من عاشیغام ازلدن*یار یارین وئرمز الدن*دوستوم وار دشمنیم وار*سالما منی نظردن.

37.       من عاشیق سیزه داغلار.قاریاغمیش سیزه داغلار.توتایدیم یار الیندن.گلئیدیم سیزه داغلار

38.       نارینجا باخ،نارینجا*ال وورما سارالینجا* منده اوُرک قالمادی* یار گوُیلونی آلینجا.

39.       هئچ درمه دیم باریمدان*الیم اوزدوم یاریمدان* داغلار دومانا دوُندی* منیم آه زاریمدان.

40.       یاخشی دوست دوز گونیمه*گل دی بیر سوُز گونومه*فلک الیمه دوشسه*سالار ئوز گونومه.

41.       یارالیدی جانیم منیم*توکیلدی قانیم منیم*فلک آلدی الیمدن*دینیم ایمانیم منیم*

42.       الیمده علمیم وار*قیزیلدان قلمیم وار*یاخیندان گوُرمیرم* اوزاقدان سلامیم وار.

43.       الیمده قفسیم وار*ساخلارام هوسیم وار*ائله سنی دییه رم، نه قدر نفسیم وار.

44.       الیمده قلمیم وار.قیزلدان قلمیم وار.یاخیندان گؤرنیمرم. اوزاقدان سلامیم وار.

45.       الین حنا توتماسین*باتسین قانا توتماسین*منسیز ائو تیکن یئرده* ائوین بنا توتماسین.

46.        الینده بایدا توتار*بایدانی چایدا توتار*یغیلار قوهوم-قارداش* هره بیر قایدا توتار.

47.       الینده فانار گزر* گئدیکجه یانار گزر* یوخسول اولان کیمسه دن* دوست_آشنا کنار گزر

48.       یئری-یئری ناز اوغلان*بازاردا بزاز اوغلان*گوُتور قلم الینه* من دئییم سن یاز اوغلان.

49.       اشتراک کلمه ال با سایر اعضا (173-171-170-169-168-167-166-161-157-156-152-148-144-143-137-133-121-106—105-101-98-96-80-79-76-62-42-30-6-4)

جمع آوری و نوشته کرم زاده دیزجی